പനി ഉണ്ടെന്ന് അമ്മയോടു പറഞ്ഞിരുന്നു’; മരണവിവരം ബന്ധുക്കൾ അറിയുന്നത് ഇന്നലെ: മലയാളി യുവതി കാനഡയിൽ മരിച്ച നിലയിൽ കാണപ്പെട്ടു.
കൊല്ലം: ഇരവിപുരം സ്വദേശിയെ കാനഡയിലെ താമസ സ്ഥലത്തു മരിച്ച നിലയില്‍ കണ്ടെത്തി. പനമൂട് ചാനക്കഴികം ആന്റണി വില്ലയില്‍ ബെനാന്‍സിന്റെയും രജനിയുടെയും മകള്‍ അനീറ്റ ബെനാന്‍സ് (25) ആണു മരിച്ചത്. ബിസിനസ് മാനേജ്‌മെന്റില്‍ ബിരുദാനന്തര ബിരുദം നേടിയ ശേഷം കാനഡയില്‍ ബാങ്കില്‍ ജോലി ചെയ്യുകയായിരുന്നു അനീറ്റ. കഴിഞ്ഞ ചൊവ്വ ഉച്ചയ്ക്ക് ഒപ്പം താമസിക്കുന്നവരാണു ടൊറന്റോയിലെ താമസ സ്ഥലത്തെ ശുചിമുറിയില്‍ മൃതദേഹം കണ്ടത്. തുടര്‍ന്നു പൊലീസെത്തി മൃതദേഹം ആശുപത്രിയിലേക്കു മാറ്റി. ഇന്നു പോസ്റ്റ്‌മോര്‍ട്ടം നടക്കും.
തിങ്കളാഴ്ചയും അമ്മ രജനിയുമായി അനീറ്റ ഫോണിൽ സംസാരിച്ചിരുന്നു. പനി ആയതിനാൽ രണ്ട് ദിവസമായി അവധിയിലായിരുന്നുവെന്നും പറഞ്ഞിരുന്നു. കാനഡ പൊലീസ് കേസ് രജിസ്റ്റർ ചെയ്തിട്ടുണ്ട്.
Leave a Reply